នៅថ្ងៃទី ១១ ខែសីហា ឆ្នាំ ២០២៥ មន្ទីរពិសោធន៍ជាតិវិទ្យាសាស្ត្រ បច្ចេកវិទ្យា និងនវានុវត្តន៍ (STINL) បានទទួលស្វាគមន៍សិស្សនិស្សិតដែលមកពីសាកលវិទ្យាល័យពុទ្ធិសាស្ត្រ (UP) ក្នុងការទស្សនកិច្ចសិក្សា ដើម្បីលើកកម្ពស់លើជំនាញផ្នែកវិភាគ ស្រាវជ្រាវ  និងបង្កើនបទពិសោធន៍អនុវត្តជាក់ស្តែង

រាជធានីភ្នំពេញ៖ ថ្ងៃទី 6 ខែសីហា ឆ្នាំ 2025 មន្ទីរពិសោធន៍ជាតិវិទ្យាសាស្ត្រ បច្ចេកវិទ្យា និងនវានុវត្តន៍ (STINL) និងសមាគមអ្នកផលិតចំណីអាហារកម្ពុជា(CFMA) បានចុះអនុស្សរណៈនៃការយោគយល់គ្នា (MoU) ក្នុងគោលបំណងលើកកម្ពស់កិច្ចសហប្រតិបត្តិការបច្ចេកទេស និងការអភិវឌ្ឍប្រកបដោយចីរភាពនៅក្នុងឧស្សាហកម្មម្ហូបអាហាររបស់កម្ពុជា។

កិច្ចព្រមព្រៀងនេះបង្ហាញពីការប្តេជ្ញាចិត្តរួមគ្នាក្នុងការលើកកម្ពស់សេវាកម្មប្រឹក្សា ពង្រឹងសមត្ថភាពបច្ចេកទេស និងគាំទ្រការអនុវត្តនៃការធ្វើតេស្ត។ ដោយការរួមបញ្ចូលគ្នារវាងជំនាញវិទ្យាសាស្ត្រ និងចំណេះដឹងផ្នែកឧស្សាហកម្ម កិច្ចសហប្រតិបត្តិការនេះនឹងជំរុញការបង្កើតថ្មី និងធានាក្នុងការអនុលោមតាមស្តង់ដារម្ហូបអាហារសកល ព្រមទាំងរួមចំណែកដល់ការរីកលូតលាស់ប្រកបដោយចីរភាពនៃវិស័យម្ហូបអាហាររបស់កម្ពុជា

Phnom Penh, August 6, 2025 – The Science, Technology & Innovation National Laboratory (STINL) and the Cambodia Food Manufacturer Association (CFMA) have officially signed a Memorandum of Understanding (MoU) aimed at enhancing technical collaboration and sustainable development within Cambodia’s food industry.

The agreement outlines a joint commitment to promote advisory services, strengthen technical capacity, and support reliable testing practices. By combining scientific expertise and industry knowledge, the collaboration will foster innovation, ensure compliance with global food standards, and contribute to the sustainable growth of Cambodia’s food sector.

នៅថ្ងៃទី២២ ខែកក្កដា ឆ្នាំ២០២៥,មន្ទីរពិសោធន៍ជាតិវិទ្យាសាស្ត្រ បច្ចេកវិទ្យា និងនវានុវត្តន៍ (STINL) បានទទួលស្វាគមន៍ដំណើរទស្សនកិច្ចចំពោះការវាយតម្លៃតាមដានដោយក្រុមប្រឹក្សាទទួលស្គាល់គុណភាពរបស់ប្រទេសសិង្ហបុរី (SAC Surveillance Assessment ) ដោយផ្តោតលើគុណភាព និងសមត្ថភាពនៃមន្ទីរពិសោធន៍គីមីសាស្រ្តទឹក គីមីសាស្ត្រម្ហូបអាហារ និងគីមីសាស្រ្តមិនមែនម្ហូបអាហារ។ ដំណើរទស្សនកិច្ចនេះពង្រឹងការប្តេជ្ញាចិត្តរបស់យើងក្នុងការរក្សាបាននូវស្តង់ដារទទួលស្គាល់គុណភាពអន្តរជាតិ ធានានូវឧត្តមភាពបច្ចេកទេស និងការពង្រឹងទំនុកចិត្តលើគុណភាពវិទ្យាសាស្ត្រ និងការច្នៃប្រឌិតនៅកម្ពុជា។

On 22 July 2025, the Science, Technology & Innovation National Laboratory (STINL) had the honour of welcoming the Singapore Accreditation Council (SAC) Surveillance Assessment, focusing on the competence and quality of Water Chemical Laboratory, Food Chemical Laboratory and Non-Food Chemical Laboratory. The visit reinforces our commitment to maintaining international accreditation standards, ensuring technical excellence, and strengthening confidence in the quality of science and innovation in Cambodia.

"កម្មវិធីអ្នកវិទ្យាសាស្រ្តវ័យក្មេង ជំនាន់ទី១" និង "កម្មវិធីបណ្តុះបណ្តាលវិជ្ជាជីវៈវ័យក្មេងជំនាន់ទី២" ត្រូវបានបញ្ចប់។ សូមអបអរសាទរដល់និស្សិត ដែលបានចូលរួមក្នុងការចុះកម្មសិក្សានៅវិទ្យាស្ថានជាតិ  វ.ប.ន. និង មន្ទីរពិសោធន៍ជាតិ វ.ប.ន. ផ្នែកបច្ចេកទេស ផ្នែកអភិវឌ្ឍន៍អាជីវកម្ម និងផ្នែកប្រតិបត្តិការដោយជោគជ័យក្នុងរយៈពេល៣ខែកន្លងមកនេះ។

The Young Scientist Program (Batch I) and The Young Professional Program (Batch II)  has been successfully completed. Congratulations to all participants who completed the YSP and YPP at NISTI and STINL  in the fields of Technical, Business, and Operations over the past three months.

នាថ្ងៃទី៣០ ខែឧសភា ឆ្នាំ២០២៥ ក្រុមការងារវិទ្យាស្ថានជាតិវិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន.) និងមន្ទីរពិសោធន៍ជាតិ វ.ប.ន. ដឹកនាំដោយ ឯកឧត្តម ហុង រ៉ាដា អនុរដ្ឋលេខាធិការ បានចូលរួមកិច្ចប្រជុំពិភាក្សាជាមួយក្រុមការងារសាកលវិទ្យាល័យ ពុទ្ធិសាស្រ្ត។ កិច្ចប្រជុំពិភាក្សានេះ ត្រូវបានធ្វើឡើងក្នុងគោលបំណងជួបសំណេះសំណាល និងពិភាក្សាអំពីលទ្ធភាពនៃកិច្ចសហប្រតិបត្តិការរវាងវិទ្យាស្ថានជាតិ វ.ប.ន. មន្ទីរពិសោធន៍ជាតិ វ.ប.ន. និងសាកលវិទ្យាល័យជាតិ ពុទ្ធិសាស្ត្រ។

ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានអញ្ជើញជាអធិបតីក្នុងពិធីបើកវគ្គបណ្តុះបណ្តាលកាលពីថ្ងៃទី២០ ខែកញ្ញា ឆ្នាំ២០២៤ ផ្តោតលើការពង្រឹងជំនាញ និងវិជ្ជាជីវៈរបស់បុគ្គលិកមន្ទីរពិសោធន៍ ខណៈដែលស្ថាប័ននេះត្រូវបានប្រែក្លាយជាគ្រឹះស្ថានសាធារណៈរដ្ឋបាល ដោយទទួលបាននូវស្វ័យភាពកាន់ខ្ពស់ ក្នុងប្រតិបត្តិការ និងការគ្រប់គ្រងហិរញ្ញវត្ថុរបស់ខ្លួន។

ក្រុមការងារគ្រប់គ្រង និងក្រុមការងារអនុវត្តគម្រោងអភិវឌ្ឍន៍អាហារកម្ពុជា (FTC) បានចុះទស្សនកិច្ចសិក្សានៅសាធារណរដ្ឋកូរ៉េ ក្រោមអធិបតីភាព លោកខៀវ វិជ្ជានន្ទ អគ្គនាយករង នៃវិទ្យាស្ថានជាតិ វ.ប.ន. និងលោក ម៉ុក កិត្យា អគ្គនាយករង នៃអគ្គនាយកដ្ឋានសហគ្រាសធុនតូច និងមធ្យម និងសិប្បកម្ម ក្នុងរយៈពេល ៦ថ្ងៃ ចាប់ពីថ្ងៃទី៨ ខែកក្កដា ឆ្នាំ២០២៤ រហូតដល់ថ្ងៃទី១៣ ខែកក្កដា ឆ្នាំ២០២៤។

នាព្រឹកថ្ងៃទី២០ ខែឧសភា ឆ្នាំ២០២៣ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានដឹកនាំកិច្ចប្រជុំដែលមានការចូលរូមពីថ្នាក់ដឹកនាំ និងក្រុមការងារនៃវិទ្យាស្ថានជាតិវិទ្យាសាស្ត្រ បច្ចេកវិទ្យា និងនវានុវត្តន៍ ។ កិច្ចប្រជុំបានពិភាក្សា និងទទួលជ្រាបពីវឌ្ឍនភាពការងារ បញ្ហាប្រឈម និងទិសដៅការងាររបស់វិទ្យាស្ថាន។

រដ្ឋាភិបាលចិន បានផ្តល់ជំនួយជាឧបករណ៍ពិសោធន៍ សម្ភារការិយាល័យ និងការបណ្តុះបណ្តាលបច្ចេកទេសផ្សេងៗ ជូនដល់មន្ទីរពិសោធន៍កម្ពុជា ដើម្បីសម្រួលដល់ការស្រាវជ្រាវ អភិវឌ្ឍឧស្សាហកម្មម្ហូបអាហារជាតិ និងពង្រឹងកិច្ចសហប្រតិបត្តិការរវាងប្រទេសទាំងពីរ។